Oficios en Acción é unha actividade encadrada nos Días Europeos de Artesanía. Un día para participar en obradoiros artesanais abertos ao público e gratuítos da man de artesáns profesionais para celebrar a festa da artesanía.

Nesta ocasión contamos cun total de 14 obradoiros, 12 participativos nos que é necesaria a inscrición previa, unha demostración de oficio e un obradoiro colaborativo de cestería con Julia de la Cal, gañadora do Premio Artesanía de Galicia.

Compre lembrar que para a participación nos obradoiros de persoas menores de idade teñen que estar en todo momento acompañadas e supervisadas por unha persoa adulta responsable.