Son Ana Novo e Tres Caracoles é o meu proxecto máis persoal, artística e profesionalmente.

Tras formarme en artes plásticas, plasmar as miñas inquedanzas creativas a través da fotografía e aprender técnicas de modelado, tinguido en seda, restauración, cestería e coiro, finalmente decanteime por este material para elaborar as miñas pezas de artesanía.

O coiro converteuse no protagonista da miña historia, unha historia de arte e artesanía.

Ao longo destes anos fun perfilando un estilo diferencial baseado en deseños minimalistas, debuxos conceptuais e un poderoso uso da cor. Unha peza de Tres Caracoles é resistente, duradeira e envellece moi ben. E coa aspiración de acompañarvos durante moito tempo en perfecto estado.