Dende Ferrol, entre o mar e o monte, recupero o oficio tradicional da cestería para adaptalo á vida moderna. Cada peza que creo está feita á man con materiais autóctonos, recollidos no seu momento xusto e co respecto que merece a nosa terra.

O meu obxectivo é traer de volta os cestos e as mochilas como elementos esenciais, duradeiros e sostibles, conectando tradición, deseño e funcionalidade para quen busca algo único no seu día a día.