Cando pinto sobre seda 100% natural, a pintura flúe dunha forma especial creando unha acuarela, e tras varias horas dun proceso de fixación con vapor, a tintura queda totalmente integrada dentro da fibra da seda, respectando o seu brillo e a súa caída natural, nestas pezas non hai dereito nin revés e pódense lavar a man como unha peza delicada.

A miña obra está máis dirixida pola emoción que pola razón e co tempo aprendín “o non buscar, deixar que suceda”.