Son Vane e Amora é o meu proxecto de renovación persoal; facemos produtos en lá e papel, con agarimo, tempo e alegría dende a beira do Miño.

No 2012, diagnosticáronme fibromialxia e cambioume a vida. Dende ese momento, comecei a buscar un ritmo e unha vida que se adaptase ás miñas necesidades e aos meus soños. Debido a iso, levo anos formándome en múltiples técnicas e disciplinas e atopei a miña paixón na encadernación e no bordado.

Nesta viaxe que é Amora, tamén está Marta. No seu tempo libre axuda no obradoiro.

Estamos comprometidas co noso entorno social, medioambiental e vital. Por iso traballamos con provedores locais e materiais sostibles; participamos en proxectos locais, e mudámonos de novo ao rural, a casa.

Vimos a aportar e a vivir felices.