Abrimos o prazo para solicitar participación na primeira edición da Feira Artesá do Nadal de A Coruña, que se desenvolverá dende o mércores 20 de decembro até o venres 5 de xaneiro, nos Xardíns de Méndez Núñez.
O horario da feira será de 12 a 21 h, agás o 24 e o 31 de decembro que pechará ás 18 h. O 25 de decembro e o 1 de xaneiro a feira permanecerá pechada.
A feira soamente poderá celebrarse no caso de xuntar un número mínimo de expositores.
En colaboración co Concello da Coruña e coa axuda da Deputación da Coruña, a Dirección Xeral de Comercio da Xunta de Galicia e a Fundación Artesanía de Galicia.
A participación está aberta a obradoiros artesáns profesionais galegos e de fóra de Galicia.
O prazo de solicitude remata ás 14 h. do venres 24 de novembro.
